تعليق عمرو اديب علي خروج مصر المهين

بجد مش عارف ااقول ايه بصراحه بس بجد المنتخب زعل الواحد بصراحه ،وعلى الرغم إن الواد عمرو أديب ده بينرفزنى إن يمكن كلامه صح ومظبوط بس .
بس موقع العربيه بيقول أبو تريكة يقرر الاعتزال وتهديد بمقاضاة عمرو أديب.
http://www.alarabiya.net/articles/2009/06/22/76654.html

وشكرا يا عم حماده على الخبر ، وشكرا على الحصريات ديت ههههههه.

انا بالعكس مش عجبنى اللى عمرو قاله..واستفزنى جدا..لانه مكنش بيتكلم على مجرد اداء الاعبين السئ ده عمل فضيحه بجلاجل..ليه كده ياعمرو دانا كنت بحبك..
وبعدين الفريق كان ناقص منه اهم الاعبين..بصوا بلاش نيجى على فريقنا اللى فرحنا اوى كده
كل انسان وله طاقه..ولا الشاطر لما يقع تكتر سكاكينه..
ميرسى ياحماده على المجهود الجامد ده
واسفه على الاطاله..وتقبل مرورى

ميرسى ليك حمادة على الخبر
وعلى الحصريات الجامدة
تحياتى

احنا بنتقبل الهزيمة يا نور والدليل على كده اننا فرحنا بلعبنا مع البرازيل
على الرغم من الخسارة
بس المشكلة فى اننا مش منتخب البطولات احنا منتخب الماتشات
يعنى احنا مش بنلعب البطولة كلها احنا بنلعب الماتش لوحده
ولعبنا مع البرازيل وايطاليا على طريقتهم
واستهترنا بامريكا ونزلنا نلاعبهم واحنا مفكرين اننا بنلاعب فريق مش قدنا
والاستهتار بس هو اللى عمل فينا كده مش التعب والارهاق وعدم الراحة
اما عن عمرو اديب فهى دى طريقته
مع التيار معاهم معاهم عليهم عليهم
لو كنا كسبنا كان زمانه عمال يمدح فى المنتخب
ويكدب كل اللى بيتقال فى جنوب افريقيا
تحياتى

انا معاك فى كلامك يافوكس طبعا

بس مش كل الناس بتكسب وبتقبل بالهزيمه والدليل اهو

اعلامى كبير زى عمرو اديب لما يتكلم كلام زى ده

عن لاعبيه معروفين وقويين مش اى كلام يتقال عنهم

وواحد زى ابو تريكه مينفعش وعيب اوى انه يتكلم كده

هما برضه اهل بلده مصريين الفراعنه

يعنى زى ماقولت لوكانوا فازوا ده كان موقفه منهم

والله يا جماعة هو موضوع خطير جدا جدا
وانا شايف ان عمرو كان متاثر اوى بالهزيمة وكان جاى على المنتخب اوى
بس انا طبعا مش مصدق ان المنتخب ممكن يعمل كدة لسبب بسيط جدا
اولا دة لعيييب ولية سمعة ومكانة وبيلعب فى منتخب مصر وعارف انة مراقب من الصحافة والاعلام والجهاز الفنى كمان
مش معقول هيغامر بكل دة وبشرفة ومكانتة عشان ليلة يعنى مع بنات الليل اللى بيقولوا عليهم دول
واللاعب مش غبى للدرجة دى انة يدخل ببنت ليل كدة عادى وهو عارف ان العيون كلها علية وكل حركة محسوبة علية
ازاى يعنى بالعقل كدة
ثانيا مراقب من الجهاز الفنى وعارف ان عندة ماتش بعد يوم يعنى مستحيل لاعب يعمل كدة الا اذا كان بايع القضية وعايز ينتحر ويضيع مستقبلة الكروى وما فيش للاعب يعمل كدة
ثالثا اللاعيبة بجد ناس محترمة جدا ومتجوزين وعندهم اولاد

وعموما التحقيق مستمر وهنعرف اية الحقيقة

سمير زاهر..قال احنا سكتنا عشان الفيفا واقفلنا على الواحده..ومش ناقصين شوشوره..يقوم عمرو يعمل كده فضيحه..ليه يهود ولااجرموا..وازاى تصدق حاجه زى كده اصلا..افرض محضر متلفق..واعتقد كفايه عند الناس شهادة ابو تريكه والكل بيثق فيه
شوفتوا قناة موديرن وقناة الحياة عملوا ايه؟؟
تكرييييييييييييييم للمنتخب لانه يستحق
منك لله ياعمرو..انت فعلا معاهم معاهم عليهم عليهم

لأ بجد عيب عليه
حتى لو كلام صح
مينفعش انه يتكلم بالطريقه دي

هو الواحد صحيح مالوش في الكوره
بس كنت متوقعه انهم هيكسبوا بعد ما كسبوا ايطاليا بس عمرو اديب زودها شويه بصراحه
شكرا يا حماده ع التوبيك

السلام عليكم
بصراحة اكيد كلنا اضيقنا من الهزيمة امبارح لانها ما كانتش متوقعة بعد ماتشاتنا اللي عملناها مع البرازيل و ايطاليا و ما فيش شك ان اللعيبة و الجهاز الفني ممكن نحملهم الخسارة دي من غير مانكون بنفتري عليهم
اما بالنسبة لموضوع عمرو اديب فانا شايف انه هو غلط في حاجتيت
اولا التوقيت : بمعنى انه هو كان لازم يستنى لما تصدر حاجة رسمية في جنوب افريقيا او من اتحاد الكورة و بعدين يطرح الموضوع اما انه هو يكون مصدره كلام جرايد لا يرتكز على اي ادلة فده اكيد مرفوض
ثانيا طريقة تناوله للموضوع كانت سخيفة جدا : هو كاعلامي يقف دوره عند نقل الخبر و ليس ليعطينا رايه الشخصي خصوصا انه الموضوع ده موضوع ممكن تتوقف عليه سمعة ناس و استقرار بيوت . و لكن زي اي حاجة في البلد دي كل واحد بيتكلم في كل حاجة بتاع السياسة يتكلم في الدين و بتاع الدين يتكلم في السياسة و بتاع البطيخ يتكلم في العنب مسالة اختلاط ادوار و نسيان لوظيفتك وتقمص لشخصية الاخر


ولكن بلا شك لو ثبت الموضع هيون من حق عمرو او اي اعلامي اخر انه ينقل الخبر


بس برضه اذا بليتم فاستتروا و دي صورة للبيه اللي بيتكام على الاخلاق

ميرسي ليكوا يا جماعة والله ونورتوني جدا
وطبعا انا معاكوا في ان عمرو زودها شوية علي المنتخب وقال كلام كتير غلط
وبعد ما قال الكلام ده رجع لعتذر في حلقة تانية للمنتخب واللاعبين بس بعد ايه بقي ؟؟؟؟؟؟؟؟؟؟

طبعا كلام مظبوط اوي يا حسين
ان احنا لازم نحمل الخسارة دي علي الجهاز الفني واللاعبين بس الجهاز الفني اكتر من اللعبين

عشان حسن شحاته لما يلعب بالطريقة دي ميبقاش مدرب

وشكرا لكل الاعضاء اللي منوريني دايماااااااااااا